صعيدي دخل علي الدكتور وقاله :
يا دكتور باحس بوجع في حتت كثير في جسمي ، شوف إكده .
و بدأ يضغط بصباعه علي كتفه و يتأوه ، ثم علي ركبته و بطنه و أنفه و في كل مرة تظهر علي وجهه علامات الألم الشديد
طلع صباعه مكسور .
----------------------------
- هيــــه يادكتور هريدي !! إيه أخبار العملية الجديدة يتاعتك ؟
- نجحت طبعا بس ولد الفرطوس عملها و مات .
----------------------------
الممرضة للجراح الشهير هريدي :
دكتور هريدي استعمل المشرط بالراحة شوية في بطن المريض ، دي ثالث ترابيزة عمليات تبوظها في أسبوع واحد .
----------------------------
- داكتــــور لو عملت نضارة دي هاعرف أقرا الجرنان ؟
- أكيد طبعا .
- أمال الواد محمدين بيجول لازم أروح نحو الأمية .
----------------------------
- المريض : دكتور ، أنا محتاج أعمل نضارة ؟
- المعلم : معلوم لا زم تعمل نضارة انت دلوقت في مسمط يابا الحاج .
----------------------------
- دكتور : أنا بقيت صعب قوي ، وبتنرفز من أي حاجة .
- طيب و إيه المشكلة ؟
- انت عبيط و لا بتستعبط ؟ ما أنا لسه قايل لك المشكلة يابهيم .
----------------------------
- و لجيت إيه في الأشاعة بتاعة دماغي ؟
- و لا حاجة يابني و لا حاجة خالص !
----------------------------
مهندس قاعد مع دكتور صاجبه في النادي .
- دكتور ، يظهر إن مراتي إنطرشت !
- ما تستعجلش في الحكم حأقولك تجربة صغيرة عشان تتأكد ، أقف بعيد عنها قوي و هي مش شايفاك و قولها حاجة بصوتك العادي لو ردت عليك كان بها ماكانش قرب شوية و قول نفس الكلام و كرر الموضوع ده لحد ما ترد عليك لو ما عرفتش تسمعك علي بعد أربع متر أو أقل هاتها العيادة و تعالي لي .
بعد أسبوع
- أخبار مراتك إيه إيه النتيجة التجربة ؟؟؟
- مش عارف بالضبط أنا روحت من النادي علي البيت و ناديت من علي الباب :
حبيبتي عاملة لنا أيه علي الغدا ؟ ماردتش دخلت الصالة و قلت نفس الكلام تاني ماردتش وصلت باب أوضة النوم و قلته برضه مافيش فايدة دخلت الأوضة ووقفت فوق دماغها و سألتها تاني ردت عليا رد غريب :
لرابع مرة أقول لك عاملة ملوخية بالأرانب
----------------------------
هريدي راح للدكتور و قاله يا داكتوور لما باحط إيدي علي عيني ما بشوفش حاجة
الدكتور خرم له إيده
الإثنين أغسطس 11, 2008 4:06 pm
