مأساه ... و ... مغامره

مأساه لذيذه...... ومغامره ألذ

حدثت هذه المغامره التى اعتبرها من احلى مغامرات حياتى ,
واكثرها متعه , ولذه ( لو مش مصدقين تذوقوها هتلاقوا طعمها جميل ) .... على ارض مصر الحبيبه وخصوصا فى 3 محافظات من صعيدها هما ... ( قـــنا: البدايه ) , ( سوهاج : الوسط ) ,
( اسيوط : النهايه ) ........ وكانت بعد عيد الاضحى اللى فات بيوم واحد ( يوم الاحد 23/12/2007 ) تاريخ عمرى ما هنساه
كنا مسافرين انا وزميلين ليا واحد معايا فى الكليه والتانى كليه طب الى اسيوط علشان نروح الجامعه بتاعتنا؛علشان امتحانات العملى فاضلها يومين كانت (الثلاثاء 25/12 ) وكنا بطيخ فى المناهج ؛فقررنا نسافر قبل الامتحان بيومين نذاكر ونلم نفسنا ...

وفى يوم الاحد 23/12 ..... مفيش ميعاد مناسب غير قطر الساعه 6:30م وكان القطر ( مميز )
وحطوا تحت كلمه مميز دى مليون خط ......... ووصلنا المحطه الساعه 6م وشنطنا معانا ......
وزى ما انتوا عارفين ان سكك حديد مصر ملتزمه بالمواعيد بالمللى متر ...... نتيجه لذلك وصل القطر الساعه 7م ...... ووصل القطر وكانت الصدمه حين وصل .... فرأينا الناس يتناحرون ويتدافعون لكى يقفز كل منهم فوق الاخر , ونتيجه لان مفيش ميعاد تانى مناسب , قلنا اننا رجاله وقدها وسنتحدى الصعاب و....و...و...و...
وقفزنا فى القطر ولكن ليس كأى قفز , وصدمنا من هو ما رأينا , ومن هول ما تخيلنا اننا مقدمون عليه !!؟!!؟؟!!! ......................
انه المميز وما ادراك ما المميز ؟؟

وتحرك القطار السعيد بما يحمله من بشر ... وانتظرنا فى القطار واقفون غير جالسون , ونحن داعون راجون من الله ان يعدى الرحله دى على خير ..... لكن هيجى منين الخير ده وانت راكب مميز ؟؟؟.........
ووصل القطار محطته الاولى ونزل أناس وركب آخرون والمصيبه ان اللى ركب اكتر من اللى نزل ....
اتخنقنا وشعرنا ان الارض قد ضاقت علينا بما رحبت ... واللى زاد الطينه بله .. ان بعض الشباب (ربنا يهديهم ) اشتبكوا مع بعضهم فى خناقه

واحنا واقفين فى حاله لا نحسد عليها ........

قررنا ان ننزل فى المحطه القادمه ويحصل اللى يحصل , ودى كانت مركز نجع حمادى (بتاع نادى الالمونيوم ) وهو مركز تابع لمحافظه قــــنا .... ووصل القطار السعيد ونزلنا ولكن ليس كأى نزول , وبعد ما نزلنا سألنا عن مكان تجمع السيارات (الميكروباصات او البيجو) المتجهه لأسيوط والمكان ده اسمه (الموقف) ....... دلونا عليه ولاد الحلال ... ونحن انطلقنا اليه بما نحمله من عده وعتاد شنطنا يعنى

ونحن فى طريقنا للمجهول ..... حدث ما لم يكن فى الحسبان وما لم اكن اتوقعه انا شخصيا ...... حدث شئ ( اقول ايه بس!! )
ماذا حدث ؟؟؟ ماذا جرى ؟؟؟؟

ده اللى هنكمله بعد الفاصل

فاصل ونواصل ......
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7

اخد فيه شويه رست كده

7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7

ورجعنا من الفاصل وبنرحب بيكم تانى ونكمل موضوعنا بتاع المأساه والمغامره

حدثت كارثه بس مش كبيره اوووى يعنى
حصل ايه ؟؟؟

صاحبى اللى فى كليه طب ده كان معاه كارتونه مربوطه.... كان فيها بطانيه وشويه ملابس كده وكمان كان فيها برطمان عسل ...... اهى الكارثه ......... واحنا ماشين سقطت الكارتونه ولقينا العسل اتسرب وسقط على الارض ........ رمينا شطننا على جنب وفتحنا الكارتونه وشفنا العجب العجاب ....... الكارتونه غرقانه عسل !!!
اخرجنا البطانيه والملابس والبرطمان ......... وذهبنا الى محل سوبر ماركت كان بجوارنا فى هذه اللحظه ..... وقلناله عاوزين كارتونه فاضيه بأى ثمن ؟؟؟ .....

والصراحه لله الراجل مكنش عنده خالص بس بعد ما شاف اللى حصل لينا افرغ لنا واحده مخصوص وبدون مقابل ...... كنا هنديله اللى اتبقا من برطمان العسل جزاء ما فعله معانا ..... بس الصراحه العسل كان مغشوش اصلا قلنا هنديله عسل مغشوش .....؟!!؟.....؟!!؟.......

خلصنا من المشكله اللذيذه دى وهندخل على التانيه قريبا

لمينا شنطنا ومشينا ورحنا محل فول وفلافل واكلنا وشربنا عصير وهرولنا الى الموقف ....... وسألنا عن السيارات المتجهه لاسيوط ....... قال ايه مفيش ؟؟

ليه .. علشان الساعه كانت 9 بالليل والسيارات بتقل ..... انتظرنا قليلا لقينا واحد قلنا اسيوط قلناله اوكى ...... وركبنا معاه ولكن كانت هناك مشكله فى انتظارنا ...... احنا عددنا 3 افراد بس وصاحب السياره مش هيتحرك من مكانه قبل ما يكمل العدد وهو 7 افراد ........ ومفيش حد راضى يسافر اسيوط

هنعمل ايه ؟؟؟ انا نفوخى كان هينفجروكنت همسك فى خناقه مع اى حد اشوفه فى وشى ....... انتظرنا ساعه كامله مفيش حد راضى يسافر اسيوط برده ........ نزلنا والراجل قلنا ممكن تركبوا الى سوهاج ومن سوهاج تركبوا لاسيوط ...... ركبنا سياره لسوهاج وكان ناقص فرد واتكفلنا احنا بيه .... مش مشكله فلوس .............. ووصلنا سوهاج واخدنا تاكسى الى موقف سوهاج ......... وشفنا مناظر حلوه من نافورات وحجات كده بس

الصراحه لله مش انظف واحلى من قــنا

المهم ..... ...... ...... مكنش فيه ولا ربع سياره .....
ماذا نفعل .... لو حد غيرنا كان زمانه اعد يبكى ويولول ..... بس احنا كنا مستمتعين وكنا حاسين باثاره ولذه

انتظرنا نص ساعه ..... وجات سياره ونطينا فيها وكان ناقص 4 افراد انتظرنا قليلا واكتمل العدد وانطلقنا على بركه الله واحنا بندعى ربنا يستر ومنتصدمش تانى ......

واخيرا وبعد عذاب وشحططه وصلنا اسيوط تقريبا الساعه 2 الا ربع بعد منتصف الليل واخدنا تاكسى الى المدينه الجامعيه واتخمدنا على طول ................

يااااااااااااااااااااااه وصحينا تانى يوم العصر

تعب واجهاد وعذاب ولذه ومتعه واثاره وقرف وكل حاجه .......... فى سبيل مين ده كله ........... فى سبيل العلم
ملعون ابو العلم واللى اخترعه .

قلنا جامعتنا بره وغربه ماشى لكن مرمطه وبهدله زى دى مش ماشى ...

على العموم رحله لذيذه اخذت مننا تقريبا 8 ساعات (من 6م الى 2بعد منتصف الليل ) والمشوار كله على بعضه اخره 3 ساعات ونص بس او 4 ساعات لو جابت اخرها

كنتم مع مغامرات شقى ........

واسيبكم انا واروح انام 20 ساعه بعد اللى حصل ده كله
نووووووووووووووووووووووووووووووم

تحياتى للعلم ..............

dr_khaled

عاوز ردود سخنه جدا

ممكن تدخلوا على اللنك ده . لقراءه الموضوع من اصله وهتلاقوا فيه الابتسامات
اضغط هنا

هههههههههههههههههههههه
دى مأساه بس حلوه اوى
بس دى أخرت اللى مايرحش جامعه جنب بيته

تسلم إيدك و ربنا يعينك

انا مش عارفة اضحك ولا اتعاطف مع الماساه دي
بس بجد ربنا معاكوا
بس خلي عنك يقين كله بثوابه

ربنا يعينكوا ويصبركوا

يااااااااااااااااااااااااااااااااااااارب

وتحياتي انا كمان للعلم