dr_khaled المدير العام
عدد الرسائل : 80 العمر : 34 تاريخ التسجيل : 17/07/2008
| موضوع: سلسله اخترت لكم :... 6 ) المهنه : مفتى فضائيات الخميس أكتوبر 23, 2008 5:10 pm | |
| انا فكرت اعمل سلسله لمواضيع عجبتنى انقلها لكم لكى نفيد ونستفيد ..... موضوع اكون قريته فى مجله ... فى جرايد ... لفت نظرى فى النت وانا رايح مشوار .. رحت جبتلكم المواضيع دى عشان زيى ما قلتلكوا نفيد ونستفيد
وعاوز اعرف رأيكوا فى فكرتى دى
هى فكره تقليديه ... بس الجديد انى هعملها على هيئه سلسله وارقم المواضيع بالتتالى وكده يعنى
وهسميها سلسله اخترت لكم .....
(6)
المهنه : مفتى فضائيات
الوظائف فى الوطن العربى شحيحه , لكى تعلو لابد ان تكون مسنودا , إلا اذا كانت من اعضاء الفئه الجديده , مفتى الفضائيات , وظيفه تتواكب مع عصر المعلومات والاتصالات شأنها شأن مطربى الكليبات مكمله لها الفرق فى الصنعه فى طبيعه العمل فى النكهه مفتى الفضائيات ليس رجلا فقط , هناك من النساء من اجتزن الحدود طلعن لفوق , لا يشترط فى مفتى الفضائيات شهاده بعينها , كثيرون تركوا وظائفهم الاصليه لما شح دخلها , غيروا جلدهم , فنانات تركن الفن وتركهن , تحولن الى تلك الوظيفه الجديده , ربحها أكثر , ولو قل علمهن , ولو كانت لغتهن العربيه تحت الصفر .
الشرط الأساسى فى مفتى الفضائيات أن يطرح القضايا الجدليه , فى الزواج والطلاق , فيما يتعلق بالمرأه على وجه الخصوص , فى توظيف الأموال , باقى الامور شعبيتها أقل , مرتبتها متاخره , يتراوح أسلوب العرض ما بين التجهم والعبوس الى رسم السماحه والدعه وطول البال كلها أدوات المهنه . أما الزى فحسب الحاجه , هناك المفتى المودرن , الأفرنجى , وهناك أيضا المفتى ذو الزى التقليدى الابيض واللحيه الكثيفه , هادئون او ثائرون , كلهم يلعبون حواجبهم , يشوحون بأياديهم , يهرشون فى جباههم علامات الصدق والتمعن , من وجهه نظرهم وبتعليمات المخرج .
مفتيو الفضائيات , أخرجوا من الكتب الصفراء ما لا يقبله منطق سليم , جعلوا الدين عسرا ما بعده عسر , أشاعوا الكراهيه والفرقه , تعارضت فتواهم , كثر مجاذيبهم فى مجتمعات تفرض التفكير , تلغى عقولنا , يقل عملها , الفتاوى فى الخمس سنوات الأخيره تفوق فى عددها ما أطلق خلال مئات السنين , الفضائيات الاستثماريه تصنعهم , تفهم السوق , تعرف طبيعه المجتمعات المتكاسله خصوصا فى إعمال العقل , اندثرت برامج الثقافه وانزوى المفكرون , ليس زمانهم , لو تحولوا للفتاوى لأصبحوا مليونيرات , عندهم العقل والقدره على استخدامه , على تطويعه لو أرادوا , ضميرهم لا يسمح لهم بالتلون , مشكلتهم .
أغرت الأضواء نجوم الفتاوى , زغللت عيونهم , لعبت الشهره بأدمغتهم , يبشرون الناس بالجنه فى الآخره ويستعجلونها لانفسهم فى الدنيا , يمنونهم بالحور الحسان وفى الحال يحوزون منهم ثلاثا وأربعا وأكثر , انهمر رزقهم وفاض , فتاواهم على كل لون , ممكنه بالطلب .. عابوا الفن والفنانين وعاشوا حياتهم وأكثر , حللوا لانفسهم بفتاويهم ما سبق ان حرموه , بها ايضا , .... التكنولوجيا أوصلت العالم المتقدم إلى المريخ بكل الوضوح والنقاء ... بعلماء يقودون للامام .... اما فى المنقطه العربيه .. فالصراخ والتهديد والوعيد والمنع , بمفتى فضائيات يسحبون للخلف ولتحت , لقاع القاع
بعد ما قرينا التوبيك ده ..... وطبعا عاوز اعرف أرائكوا فيه
انا عن نفسى حيران فى حكمى على هذا التوبيك فعندما قال الكاتب " مفتى الفضائيات , وظيفه تتواكب مع عصر المعلومات والاتصالات شأنها شأن مطربى الكليبات مكمله لها الفرق فى الصنعه " انا اعارض الكاتب فى هذه الجمله ... رغم ان فعلا مفتو الفضائيات كتروا اوى اوى وبيخبطوا فى الاراء .... وربنا يهديهم ... الا ان مش كلهم لازم ننظر لهم بنفس نظره الكاتب
وعندما قال " يتراوح أسلوب العرض ما بين التجهم والعبوس الى رسم السماحه والدعه وطول البال كلها أدوات المهنه . أما الزى فحسب الحاجه , هناك المفتى المودرن , الأفرنجى , وهناك أيضا المفتى ذو الزى التقليدى الابيض واللحيه الكثيفه , هادئون او ثائرون , كلهم يلعبون حواجبهم , يشوحون بأياديهم , يهرشون فى جباههم علامات الصدق والتمعن , من وجهه نظرهم وبتعليمات المخرج ."
الجمله دى برده اعارض فيها الكاتب ... لانه عمم ومش كل الناس كده
وانا عن نفسى اشعر ان الكاتب احيانا بيناقض نفسه وعاوز اعرف ارائكوا وتعاليقكوا | |
|