موضوع هام جدا الكل يخش ارجوكم

بسم الله الرحمن الرحيم
احب الاول اعرفكم بنفسى انا تامر على انا من الدقى
وعايز اقول انى سعيد جدا انى معاكو هنا فى المنتدى و شرف عظيم ليا
لكن الموضوع اللى انا عايزكو فيه انو انا شوفت مواضيع كتيرة جامدة هنا فى المنتدى عدد المشاهدين يعدى ال100 لكن الردود لقيتها 1 و 2 عشان ايه الكاتب يتعب ويكتب الموضوع دا عشانكو وتلاقيه مش واخد حقو فى الردود حتى كمان الردود لو تلاحظو انها بتحفز الكاتب يكمل فى الموضوع و يجيب كمان مواضيع جديدة ودا انا بتمناه اشوفو فى المنتدى

معلش طولت عليكم يلا تصبحوا على خير

وانا بضم صوتي لصوتك

هو ممكن الناس مش بترد
لان الموضوع دا مش في نطاق اهتمامتها قوي
بس برضة بيفرسني ان ناس لما ترد

بترد بكلمتين وبس

انا متفق معاك فى كل كلمه قلتها

فعلا المشاهدات بتبقى كتيره والردود قليله

بس عشان تبقى عارف انا فى مواضيعى بحب ادخلها كذا مره اعدل حاجه كده او حاجه كده ... فممكن تكون المشاهدات اكتر من الردود ..... بس ده عندى انا ( حاله إستثنائيه يعنى )

يا ريت نهتم شويه بثقافه الردود ... وبلاش الردود اللى عمال على بطال ... شكرا / ربنا يخليك / تسلم ايدك / والكلام من ده ........ لا احنا هنا عاوزين تفاعل .. تعليق .. نقد .. اقتراح ... لو ده حصل هتلاقى المنتدى ولع .. ده ينتقد وده يرد عليه .. بس فى اطار الادب والاحترام المتبادل لاننا كلنا هنا اخوات ...

وانا ححاول اجبلكم موضوع عن ثقافه الردود

وشكور جدا على موضوعك المهم ده وربنا يكرمك وتتفاعل معانا هنا